boh labu ie syuruga nikmat
boh mamplam mangat barô meutapéh
beuna tatupat peunajôh mangat
di Nanggroe Aceh rasa beuabéh
 |
| foto/www.berryhs.com - |
idin lônrawi mupadum bagoe
bhah peunajôh droe nyang kaya rasa
meu-’ah lônlakèe menyo na tuwö
maklum nyo adoe pih manusia
tumpoe buleukat adat di nanggroe
geupai lam jaroe peusijuek raja
kupi ngön
bada cit ka teumön droe
pulôt ie teubèe mangat lagoina
dudôi ngön
wajéb tamah meuseukat
susun lam tabak intat keu lintô
di cuda mawa götthat
meukarat
bak seuôn idang keu darabarô
ie u boh muda ngön timön beukah
peulé
lam reukueng buka puasa
bhôi ngön
seupét tamah keukarah
peulalè lidah bak uroe raya
leugh’ok h’ana u jileupak tan saka
tarayueng u blang keu ureueng mu’ue
pajôh bu leuhô barô meurasa
boh iték
masén ngön kuah pliek u
kuah beulangöng
ngön sie teureubôh
pajôh bak jambô ngön eungköt paya
bu teupeungat jampu ruti gôh
pajôh beuseunggôh di Aceh Raya
adèe meureudu ngön mi teucaluek
götthat
meucuehu di Pidie Jaya
drien Beuracan pih tan meuaneuk
saboh takuak jeuet puléh hawa
saté
meuasap di keudèe Matang
boh giri maméh
tan reuhang rasa
mulôh teupeuda sabé na barang
keuripèp pisang pih h’ana dua
pisang meusalè di Pantön Labu
kicap teurasi di Kota Langsa
cempeudak maméh
Tamiang Hulu
cukôp jai bieng u di Bendahara
limbèk kukuet ngön eungköt masén
kayém
sabé na di Aceh Barat
lokan Krueng Woyla pih hana la-én
limeueh lam anoe ruah u darat
pala meusaka ngön
meulisan unoe
musahô sidéh
Aceh Selatan
ngön
minyeuk pala pupuléh igoe
bren badan taplöh
ngön minyeuk nilam
deupék
Takengon meuseuké barang
peutren u Bireuen nyang ka meuadèe
sambai beukeueueng tarayueng u blang
tasurung bacut keu soe nyang lakèe
gula teubuliet di Kutacane
peugöt
boh rômrôm buleuen puasa
h’ana mupat lé
timphan beureunè
bak sagèe tan lé
di dalam paya
(Meunasah Papeun, Februari 2011)
Azwardi; Dosen Gemastrin FKIP Unsyiah
0 komentar:
Post a Comment